انا مرضي وراسمالي
كتاب مليان

وقهوة تركي بوش
ف الفنجان
وسيجارة تزيد
ف قلبي الـهم
تحضن ف سبابتي
و ف الوسطـــى

وفلتر ينقل لدمي السم
كما لو كان
ساعي البوسطه

وقلم هايم يقول مواويل
وحبّارة وعلب الوان

وريشة تغني بصوت النيل
ف ايد فنان

واشعار بايد درويش
منقوشة علي الجدران

وتراتيل بصوت فيروز
تزيح جبال الهم
من قلبي وانا حزنان

وحبيبة ......

غابت وسابت
ذكري فى قلبي
وصورة ف عيني

سابت حروف اسمها
نقش كوفي
على جلدي بحبر شيمي

يا دنيا دوري ولا تهدّي
كل البلاد ارضي
كل الجمال مالي
كل الوجع همّي

تلف الساقية
يموت الثور
تجف الترع
وارض تبور
هاستني البير ساعة ما يفور
هاقف ف الدور
وهتعدّي