يا بلد ايجار جديد
رئيسك فرعون حديد
رئيسك اله ورسول
يأمر وينهي مطاع
اصل الرعية شوية عجول
او ممكن تعتبرهم عبيد
او حتي حبّة رعاع
يا بلد ما فيها الا السواد

و ف مهد الثورة
جاب الصندوق طاغوت
حكم من قبل ما يحكم
علي حرية بلد بالموت
من قبل حتى الميلاد
يا بلد ما فيها الا السواد

اشمعنى من بين كل البلاد
يجي رئيس م الريف
مجنون ودمه خفيف
يحكم بامر الله
وشعبه مش لاقي الرغيف
معذور...
خروف وبقى حاكم ..
ومش فاهم..صبح جلاد
يا بلد ما فيها الا السواد

يا بلد منهوب.. مركوب
والحرية فيكي حرام
والذل النهضة ..
ف بحور الجماع يدوب
ما يبقى منه الا الكلام
يا مصر لو انتي ام الدنيا
تبقى الدنيا بنت حرام
يا بلد ما فيها الا السواد