بس متسابه
صعبان عليا غُلبك
والموجه غلابه
ان الاوان
تنزلي حملك
ان الاوان
ترسي
ان الاوان
تتخلصي بطيبه
م التوهة والخيبة
ان الاوان
تنسي
يا مركبه غاربة
وطيبه ودايبه
ف البحر مش متهانه
ثابته ومش عايبه
سايبه الملوحة برضا
تنهش قوام الهيبة
خايف عليكي
الموجه دي هايجة
و هتطول
وطريقك سكته واعرة
هتعيدي م الاول !
البحر دا غدار
والخطوة سكة سفر
وعندك بر ساهل
لا ريم ولا حجر
وبر فيه الغفير
لا بيرحم ولا بينام
ربط القلوع بحبال
لاجل ما تعود له
بس الحبال دايبة
خايف اكون خواف
واسحب بايدي مجداف
ف يوم هنا جابك
خايف الغفير يندهك
تلبي الندا ..
القي الدوار صابك
مش خايف عليكي
م البعاد
بعادي مش توبك
ولا خايف
ف يوم تقسي
خايف ما تلقي المراد
ومركبك خاويه لا
ميه ولا زاد
تلقي البر سراب
وسط الغيوم غاب
تلقي الغفير عاد
وتبوري م العوده
تلقي المحال قدامك
سكه ممدوده
لا هينفعك دفه
ولا مجداف
ولا صبي خواف
يومها هتنسي سكتي
وهيبقي يوم تعسي
ان الاوان
يا عزيزة ما تهوني
ان الاوان
ترسي
بجد اكثر من رائعه في سمعها وقراءتها
ردحذفجميلة جدا ومعبرة عن الواقع المرير للأسف ربنا يحمي مصر وكل البلاد الاسلامية يا رب
ردحذف